-
-
-
-
सोल । दक्षिण कोरियाका पूर्वप्रधानमन्त्री तथा चर्चित गुप्तचर संस्थाका संस्थापक किम जोङ पिलको निधन भएको छ । राजधानी सोलमा शनिबार ९२ बर्षको उमेरमा उनको निधन भएको उनका सहयोगीहरुले जनाएका छन् । दक्षिण कोरियाको अनुदारवादी राजनीतिका शिर्ष चर्चित नेताका रुपमा पिललाई लिने गरिन्छ ।
पूर्वराष्ट्रपति द्धय किम योङ साम र किम डाय जुङसँगै सन् १९८० र १९९० को देशकमा उहाँले मुलुकका लागि ठूलो योगदान गरेको थियो । त्यस समयलाई “तीन किम” को समयका रुपमा पनि लिइन्थ्यो ।
सैन्य तानाशाह चु डु ह्वानले शक्तिमा आएपछि सन् १९८० देखि १९८७ सम्म ती तीनै जनालाई राजनीतिबाट प्रतिवन्ध लगाएका थिए ।
शनिबार देहत्याग गर्नु भएका किमले सन् १९६१ बाट राजनीतिक जीवन सुरु गरेका थिए । उनि सन् १९७१ देखि ७५ सम्म र १९९८ देखि २००० सम्म गरी दुई पटक दक्षिण कोरियाको प्रधानमन्त्री बनेका थिए । एएफपी
