-
-
-
-
रौतहट । प्रहरीको गोली प्रहारबाट रौतहटमा बिहिबार राति एक जनाको मृत्यु भएको छ । दोहोरो भिडन्तमा प्रहरीको गोली प्रहारबाट मृत्यु भएको जिल्ला प्रहरी कार्यालय रौतहटको दाबी रहेको छ ।
खुट्टा र पिठ्युमा गोली लागेका ती ब्यक्तिलाई प्रहरीले गौर अस्पताल पुर्याउँदा डाक्टरले मृत घोषणा गरेका हुन् । रौतहटको राजदेवी नगरपालिका स्थित मुडबलागाउको उत्तर रहेको बाग्मती नदीको तटबन्धमा प्रहरीको गोली प्रहारबाट उनको मृत्यु भएको हो ।
मृतकको शनाखत हुन सकेको छैन । मृतकको साथबाट एसएमजी बन्दुक र सोमा लाग्ने म्याग्जिन बरामद भएको प्रहरीले जनाएको छ । यद्यपि प्रहरीबाट ३१ राउण्ड गोली प्रहार भएको थियो भने मृतकपक्षको समुहबाट १२ राउण्ड गोली प्रहार भएको जनाइएको छ ।
