- सुन चाँदी दर
- विनिमय दर
- नेपाली पात्रो
- राशिफल
जुम्ला । चिकित्सा शिक्षा सुधारको माग गर्दै अनशन बसिरहेका डा. गोविन्द केसीको स्वास्थ्य अवस्था विग्रिदै गएको छ । स्थानीय प्रशासनले अस्पताल लान दिएको छैन्।
सोमबार साँझबाट उनको उपचारमा खटिएका चिकित्सकहरुले समेत दुर्गन्धित कवर्डहलमा कुनै प्रकारको जाँच गर्न नसकिने भन्दै जिम्मेवारी त्यागेका छन् ।
चिकित्सकहरुले डा. केसी चिकित्सकको निगरानी भन्दा बाहिर रहेको र अहिले स्थानीय प्रशासनले जिम्मा लिएको बताएका छन् । हामीले यहि कुरा प्रमुख जिल्ला अधिकारी कृष्ण पौडेललाई सोध्यौँ । उनी जम्मा ७ सेकेण्ड मात्रै बोले ।
हामीले डा. केसी प्रशासनको जिम्मामा हो ? भनी प्रश्न गर्यौँ । उनले ‘म एउटा मिटिङमा छु’ भनी जवाफ फर्काए । हामीले यत्ति एउटा कुरा बताई दिनुस्, डा. केसी प्रशासनको जिम्मा हो ? जवाफमा उनले भने, ‘नेपाल सरकार नेपाली जनता सबैको हो । उहाँको सरकार पनि नेपाल सरकार नै हो ।’
घुमाउरो जवाफसँगै उनले अन्तिममा परिस्थिति हिजो, अस्ति जे थियो आज पनि त्यही हो, केही फेरिएको छैन, भने । यसको अर्थ स्थानीय प्रशासन केसीलाई अझै अस्पताल लैजान दिने मनस्थितिमा विल्कुल छैन भन्ने हो ।
स्थानीय प्रशासन निषेधित क्षेत्र घोषणाको आफ्नो अडानबाट पछि हट्ने पक्षमा छैन । त्यहि अडानकै कारण उसले केसी अस्पताल गएको हेर्न चाहँदैन । मुलुक संघीयतामा गए पनि सीडीओ राज कायमै छ ।