- सुन चाँदी दर
- विनिमय दर
- नेपाली पात्रो
- राशिफल
बागलुङ। जिल्लाको गल्कोट नगरपालिका–११ रिघा भालुपाईलेस्थित रईले खोला नजिक जीप दुर्घटना हुँदा १४ जना घाईते भएका छन्।
बागलुङ बजारदेखि बुर्तिवाङको लागि छुटेको ध १ ज १४९ नम्बरको जीप अनियिन्त्रत भई सडक नालीमा पल्टिदा जीपमा सवार १४ जना घाईते भएको ईलाका प्रहरी कार्यालय हरिचौरका प्रहरी नायव निरीक्षक मन बहादुर बिकले जानकारी दिए ।
घाईते मध्ये चार जनाको अवस्था गम्भिर रहेको प्रहरीले जनाएको छ। जिपमा नेपाल पत्रकार महासंघका पुर्व महासचिव उजिर मगर पनि सवार रहेका थिए ।
मगर सहित ८ जनाको अवस्था केही जटिल रहेको कारण थप उपचारका लागि पोखरा रिफर गरिएको प्रहरीले जनाएको छ ।
गम्भिर घाईते हुनेमा बडीगाड गाउँपालिका–५ की संगीता पुन, गल्कोट नगरपालिका–१० पाण्डवखानीका दिपक पुन, पत्रकार महासंघका पुर्व महासचिव ढोरपाटन नगरपालिका–४ का उजिर मगर र बडीगाड–९ का दिलेन्द्र बुढा मगर रहेका छन्।
त्यस्तै बेनी नगरपालिका–३ की तिर्सना छन्त्याल, सोही स्थानकी कल्पना छन्त्याल, बडीगाड गाउँपालिका–९ का सुमन बुढा मगर र काठेखोला गाउँपालिका–३ धम्जाका टिकाराम नेपाली रहेको प्रहरी नायव निरीक्षक विकले जानकारी दिए । उनिहरुलाई थप उपचारका लागी पोखरा पठाईएको छ।
अन्य घाईतेहरु निसीखोला गाउँपालिका–४ का मकर थापा, कावासेती नगरपालिका १५ नवलपरासीका राजकुमार श्रेष्ठ, बडीगाड गाउँपालिका–३ का कृष्ण थापा, ढोरपाटन नगरपालिका–९ का मन्जु कार्की र उनकी छोरी रञ्जिता कार्की, बडीगाड गाउँपालिका–६ का लोकबहादुर खत्री रहेका छन्। उनीहरुको आरोग्य अस्पताल हटियामा उपचार भैरहेको छ ।
जिप साँझ ७ बजेको समयमा दुर्घटना भएको थियो। जीपमा आवश्यक भन्दा बढी यात्रुहरु राखेको कारण दुर्घटना भएको हुन सक्ने स्थानियको अनुमान छ। घटनाको बारेमा अनुसन्धान भइरहेकोे प्रहरीले जनाएको छ।