सरकारले अपहरण गरेर काठमाडौं लैजान खोज्दैछ

सरकारले अपहरण गरेर काठमाडौं लैजान खोज्दैछ – डा.केसी

ईश्वरीप्रसाद देकोटा,

प्रकाशित २०७५ साउन ३ बिहिबार

जुम्ला। चिकित्सा शिक्षा सुधार र कर्णाली स्वास्थ्य विज्ञान प्रतिष्ठानमा तत्काल एमविविएस डाक्टरी पढाइ सुरु गर्नुपर्ने लगायतका माग राखेर अनसनरत डा.केसीलाई सरकारले काठमाडौं लैजान हेलीकप्टर जुम्ला पठाएको छ।

बुधवार साँझ नेकपाको केन्द्रीय कमिटिको वैठकले विहिवार डा.केसीलाई जुम्लाबाट काठमाडौं लैजाने निर्णय गरेपछि डा.केसीले कुनैपनि हालतमा काठमाडौं नजाने अडान लिएका छन । डा.केसी आमरण अनसन बसेको २० दिन पुगेको छ।

‘मेरो स्वास्थ्यप्रति सरकार चिन्तित र सम्वेदनशिल छ भने मेरो मागहरु पुरा गर्नतर्फ लाग्नुपर्छ’, डा.केसीले वताए। मलाई अपहरण गरेर काठमाडौं लैजादैछ उनले भने, अपहरण गरेर हाम्रो अभियान तुहाउन खोजिरहेको छ।