-
-
-
-
काठमाडौं । बाढी पूर्वानुमान शाखाले आगामी तीन दिन देशका प्रमुख नदीहरुमा खतरा तह भन्दा ठुलो बाढीको संभावना नदेखिने बताएको छ ।
शाखाले सोमबार खासगरी मध्य र पश्चिमी क्षेत्रका केही स–साना खोलानालाहरुमा आकस्मिक बाढी आउन सक्ने संभावना देखिएको जनाएको छ ।
बर्षा भइरहने भएकाले बाढी पूर्वानुमान शाखाले सतर्क रहन आग्रह गरेको छ ।
शाखाले पहिरोग्रस्त क्षेत्रहरुमा पनि सतर्कता अपनाउन आग्रह गरेको छ ।
आइतबार राति काठमाडौं उपत्यका लगायतका मुलुकका विभिन्न भागमा वर्षा भएको थियो ।
