नेविसंघ महामन्त्रीले नेतृत्व अल्पमतमा छ भनेपछि अध्यक्षले दिए चूनौति
प्रकाशित २०७५ साउन ९ बुधबार
269
Shares
काठमाडौं। नेपाल विद्यार्थी संघका अध्यक्ष नैनसिंह महर र महामन्त्री कुन्दनराज काफ्ले आरोप–प्रत्यारोपमा उत्रेका छन् । बुधबार रिपोर्टर्स क्लब नेपालले आयोजना गरेको साक्षात्कारमा बोल्दै अध्यक्ष नैनसिंह महरले आफ्नो कार्यकाल सफल भएको दाबी गरेपछि महामन्त्री काफ्लेले अध्यक्षले संठगनलाई चलायमान बनाउन नसकेको आरोप लगाए ।
नेविसंघ सभापति महरले सुरुमै संगठनको विधानअनुसार काम गर्न कुन्द काफ्ले नेतृत्वको समुहलाई आग्रह गरे । उनले भने,‘नेविसंघको आफ्नै विधि र विधान छ, हामी सबैले विधि-विधानको कार्यान्वयन गर्नुपर्छ, मेरो पालामा भएका संगठनहरुलाई जिवित राखेर, खाली भएको स्थानमामात्रै मैले पत्र काटेर समिति निर्माण गर्न भनेको थिएँ, नेपाल विद्यार्थी संघको नेतृत्व बहुमतमा छ कि छैन् ? भनेर जानकारी गराउने माध्यम भनेको केन्द्रीय समितिको बैठक नै हो, केन्द्रीय समितिको बैठक नबसि मनलाग्दी तरिकाले कुरा गरेर हुँदैन, पार्टीको गुटबन्दीमा परेर नेविसंघ भत्केको हो ।'
