-
-
-
-
महाेत्तरी । पिपरा गाउँपालिकामा अाईतबार दिउँसो दोस्रो गाउँपरिषद् चलिरहेका बेला कुर्सी हानाहान भएको छ ।
राष्ट्रिय जनता पार्टी (राजपा) नेपालको अध्यक्षसहित बहुमत रहेको पिपरा गाउँपालिकामा राजपा नेपालकै नेता कार्यकर्ताले नै परिषद्को विरोध र बहिष्कार गर्दा कुर्सी हानाहान भएको हो ।
राजपाका पिपरा गाउँपालिकाका पार्टी अध्यक्ष विनित पाण्डेको नेतृत्वमा गएको नेता कार्यकर्ताको टोलीले परिषद्मा अवरोध गरेको थियो ।
परिषद् शुरु हुनेबित्तिकै पाण्डेले अवरोध गरेको र उनका सहयोगीले कुर्सी, टेबुल तोडफोड गर्न थालेपछि दोहोरो झडप भएको थियो ।
झडपमा परी तीनजना घाइते भएका छन् । साथै केही कुर्सी र माइक पनि तोडफोड भएको गाउँपालिकाले जनाएको छ । दोहोरो हानाहानपछि प्रहरी परिचालन गरी परिषद् शुरु गरिएको थियो ।
