- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाल प्रेस युनियन केन्द्रीय कार्य समितिको साउन ९ गते काठमाडौँमा सम्पन्न बैठकले विभिन्न प्रस्ताव तथा निर्णय गरेको छ । बैठकले केन्द्रीय महाधिवेशन मंसिर २८ गते गर्ने निर्णय गरेको छ । यसअघि महाधिवेशन भदौमै गर्ने तयारी रहेको थियो ।
यस्ता छन् केन्द्रीय कार्यसमितिका निर्णयहरु–
१– नेपाल प्रेस युनियनको आगामी महाधिवेशनको तयारीका लागि विस २०७५ साउन मसान्तसम्म सबै शाखाहरुले नयाँ सदस्यता खोली तथा नविकरण गरी आवश्यक आर्थिक हिसाबसहित सम्पूर्ण विवरण केन्द्रीय समितिमा पठाउन परिपत्र गर्ने निर्णय ।
२– महाधिवेशनको तयारीका लागि २०७५ भदौ २० गतेदेखि असोज १० गतेसम्म सबै शाखाको अधिवेशन, २०७५ मंसिर १ गते सातै प्रदेशको अधिवेशन र मंसिर २८ र २९ केन्द्रीय महाधिवेशन गर्ने निर्णय ।
३– देश संघीय संरचनामा गईसकेको सन्दर्भमा नेपाल प्रेस युनियनको सांगठनिक संरचना पनि सोही अनुसार बनाउन हालको विधानलाई संशोधन गर्ने निर्णय गरियो । त्यसका लागि अन्य विविध विषयका साथै समानुपातिक समावेशीसहित जिल्ला कार्य समिति ११ देखि १५ सदस्य रहने, प्रदेश कार्य समिति २५ सदस्यीय र केन्द्रीय कार्य समिति ४९ सदस्यीय रहने विधान संशोधनको नयाँ व्यवस्था केन्द्रीय समितिबाट पारित गर्ने निर्णय ।
४– नेपाल प्रेस युनियनको सदस्यता शुल्कमा केहि समायोजन गरि नयाँको लागि ३ सय र नविकरणका लागि २ सय शुल्क तोक्ने वैठकले निर्णय ।
५– सरकारी सञ्चारमाध्यमलगायत राससमा आस्थाका आधारमा त्यहाँ कार्यरत पत्रकार साथीहरुलाई हटाउने कार्यको यो वैठक खेद प्रकट गर्दै राससमा नविकरण नगरिएका ५३ जना स्ट्रिन्जरहरुको तत्काल नविकरणका लागि वैठकले जोडदार माग गर्ने निर्णय ।