- सुन चाँदी दर
- विनिमय दर
- नेपाली पात्रो
- राशिफल
काठमाडौं । जिम्बावेको नयाँ राष्ट्रपतिमा एमर्सन मनांगाग्वा विजयी भएका छन् । गत सोमबार सम्पन्न निर्वाचनको परिणाम घोषणा गर्दै निर्वाचन आयोगले मनांगाग्वा विजयी भएको जनाएको हो ।
आयोगले १० प्रान्तको मत परिणाम जारी गर्दै मनांगाग्वाले ५०.८ प्रतिशत मत प्राप्त गरेको जानकारी दिएको हो । उनका प्रतिस्पर्धी उम्मेदवार विपक्षी दलका नेता नेलसन चमिसाले ४४.३ प्रतिशत मत ल्याए ।
मतगणना धाँधलीपूर्ण रहेको आरोप लगाउँदै मुभमेन्ट फर डेमोक्रेटिक चेन्ज ‘एमडीसी’ गठबन्धका अध्यक्ष मोर्गन कोमिचीले निर्वाचन परिणामलाई अस्वीकार गरेका छन् । निर्वाचन आयोगले भने निर्वाचनका क्रममा कुनै धाँधली नभएको स्पष्ट पार्दै आएको छ ।
राष्ट्रपति निर्वाचनको क्रममा भएको हिंसामा ६ जनाको मृत्यु भएको थियो भने १४ जना घाइते भएका थिए ।
निर्वाचनपछि राजधानी हरारेमा फैलिएको दंगा शान्त भएको छ ।
राष्ट्रपति मनांगाग्वाले संकट समाधानका लागि सरकार विपक्षी नेता चमिसासँग वार्ता गरिरहेको जनाएका छन् ।