पाल्पा ठिमुरेमा जीप दुर्घटना : दुईको शव भेटियो (अपडेट)
रामचन्द्र रायमाझी,
प्रकाशित २०७५ साउन २० आइतबार
194
Shares
पाल्पा । रिब्दीकोट गाउँपालिका ६ ठिमुरे ढुस्टुङ्गमा बा १ च ८९७० नम्वरको पिकअप जीप शनिबार साझा ६ बजे दुर्घटना हुदाँ जीपमा सवार दुईजनाको मृत्यु भएको छ ।
उनीहरुको जीपले किचिएको अवस्थामा शव भेटिएको इलाका प्रहरी कार्यालय मुझुङ्गले जनाएको हो । एक जनाको शव शनिबार राती नै भेटिए पनि उद्धार गर्न सकिएको थिएन् । मृत्यु हुनेमा तानसेन १० का २५ वर्षिय विवेक पौडेल र डोल्पा घर भई सोहि स्थानमा बस्दै आएका ३६ वर्षिय टंक चलाउने रहेका छन् ।
तानसेनबाट विद्युत्का सामाग्री लिएर ठिमुरे तर्फ जाँदै गरेको जीप दुर्घटना भएको हो । जीप सडकदेखि ५० मिटर तल अप्ठ्यारो भिरमा अड्किएको छ । शनिबार राती अबेरसम्म उद्धार हुन नसकेपछि प्रहरी फर्किएको थियो । आइतबार विहानै सेना, प्रहरी, सशस्त्र र स्थानीयको सक्रियतामा उनीहरुको उद्धार गरिएको छ ।
उनीहरुको शव पोष्टर्माटमका लागि जिल्ला अस्पताल तानसेन ल्याउएको जिल्ला प्रहरी कार्यालय जनाएको छ । दुर्घटनास्थल साघुरो, चिफ्लो र भिर भएकाले प्रहरीलाई उद्धारमा कठिनाई भएको थियो ।
