चन्द्र भण्डारीले प्रचण्डलाई सोधे – तराईको विकासको जिम्मा हाम्रो कि भारतको ?
प्रकाशित २०७५ साउन २१ सोमबार
221
Shares
काठमाडौं । नेपाली काँग्रेसका केन्द्रीय सदस्य चन्द्र भण्डारीले नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले बारामा बोलेको बोलीप्रति गम्भीर आपत्ति जनाएका छन् ।
प्रचण्डले बाराको कार्यक्रममा हिन्दी भाषाको प्रयोग गरी भाषण गर्ने क्रममा स्थानीयसंग ‘मलार्इ भारतले बोलाएको छ यहाँको विकासको कुरा राख्ने छु’ भनेका थिए । यही विषयलाई उठान गर्दै नेता भण्डारीले ‘नेपालको विकासको कुरा भारतसंग भन्न हुन्छ ?’ भनी प्रश्न गरेका हुन् ।
नेता भण्डारीले हुलाकी सडक भारतले बनाइदिने नाममा तराई कति वर्ष पछि परेको छ ? भनी प्रश्न गर्दै भारतसंग तरार्इको डुबानका कुरा, सुस्ताका समस्या, सिमाना मिचिएका कुरा, सिमा प्रहरीबाट जनताले पाएका सास्ती, लिपुलेकका कुरा, तरार्इमा बढ्दै गएका हिंसाका कुरा उठाउँछु भन्ने हो ? भनी गम्भीर ध्यानाकर्षण भएको जनाएका छन् ।
काँग्रेस नेता भण्डारीले ‘भारतले नेपाली जनतालार्र्इ दुःख दिन हुँदैन म कुरा गर्दछु भनेको भए ठीक हुन्थ्यो भन्दै प्रचण्डलाई प्रश्न गरेका छन् –के तरार्इको विकासको जिम्मा भारतको हो कमरेड ?’ उनले प्रचण्डलाई व्यङ्ग्य गर्दै भनेका छन् –तरार्इको विकासको जिम्मा पालिका, नगरपालिका, प्रदेश र केन्द्रको हो । कठै नेपाली आमाले जन्माएका नेपाली नेता !!’
