काठमाडौं । विगत केही दिनको तुलनामा बुधबार मौसममा हल्का सुधार आएको छ । बुधबारदेखि मौसममा सुधार आएको जल तथा मौसम पूर्वानुमान महाशाखाले जनाएको छ ।
तर शुक्रबार भने फेरि खतरा औंल्याइएको छ । बाढी पूर्वानुमान शाखाले बुधबार र बिहिबार देशभरका मुख्य नदीहरूमा पानीको बहावले खतरा तह पार गर्ने संभावना न्युन रहको जनाएको छ ।
तर शुक्रबार देशैभरका प्रायः नदीहरूमा बहाव उल्लेख्य बढ्ने तथा पूर्वी र पश्चिमी भागको चुरेबाट बहने नदीहरूमध्ये केहीमा बहाव सतर्कता तह आसपास पुग्ने पुर्वानुमान गरिएको छ ।
अबको तीन दिनसम्म देशका धेरै ठाउँको मौसम आंशिक बदली हुनेछ । तर छिनछिनमा मनसुन परिवर्तन भएकाले यकिन नै गर्न सक्ने अवस्था नभएको र वर्षा भइरहने मौसम पूर्वानुमान महाशाखाले जनाएको छ ।
