बालुवाटार पुगेर डा. केसीले ओलीलाई फेरि अनसन बस्छु भने
प्रकाशित २०७५ साउन २६ शनिबार
162
Shares
काठमाडौं । चिकित्सा शिक्षा सुधारका अभियन्ता डाक्टर गोविन्द केसीले प्रधानमन्त्रीकै निवास पुगेर फेरि अनसन बस्ने चेतावनी दिएका छन् ।
डाक्टर केसीले शनिबार प्रधानमन्त्री निवास बालुवाटार पुगेर १५औँ अनसनका क्रममा आफुसँग सरकारले गरेको सहमति कार्यान्वयन नभए फेरि अनशन बस्ने चेतावनी दिएका हुन् । प्रधानमन्त्री केपी शर्मा ओलीसँगको भेटमा डाक्टर केसीले सम्झौता कार्यान्वयन सम्बन्धमा सहमति कार्यान्वयन गर्न भने ।
डाक्टर केसीले प्रधानमन्त्रीसँग दुई घण्टा लामो कुराकानी गरे । सरकारले गरेको सहमतिपत्र तत्काल अनुमोदन गरेर संसदमा पेश गर्न पनि भनेका छन् ।
जवाफमा प्रधानमन्त्री ओलीले डाक्टर केसीसँग गरिएका सहमति कार्यान्वयन गर्न तयार रहेको र अर्को अनशन बस्नुपर्ने अवस्था आउन नदिने आश्वासन दिए । प्रधानमन्त्री ओलीले त्यो अवस्था आउँदैन, ढुक्क हुनुस् डाक्टसाव भनेको, केसीसँगै गएका सहयोगि डा. अभिषेकराज सिंहले, भने ।
