-
-
-
-
पाल्पा । माथागढी गाउँपालिका ४ बोखरमा शंकास्पद वस्तु फेला परेको । विहिबार दिउँसो बासटारी झडेवा सकड खण्ड अन्तर्गतको बोखर स्थित सडकको भित्तामा शंकास्पद वस्तु फेला परेको हो ।
सडकमा हिड्ने यात्रुले शंकास्पद वस्तु देखेको माथागढी गाउँपालिकाका अध्यक्ष सन्तोष थापाले जानकारी दिए । बाटोमा हिड्ने यात्रुले खबरगरेपछि आफु उक्त वस्तु भएको स्थानमा पुगेको र वस्तु शंकास्पद देखिएकाले जिल्ला प्रहरी कार्यालयलाई जानकारी गराएको अध्यक्ष थापाले बताए ।
उनले पहिले पनि सोही स्थानमा बम विष्फोट भएकाले कतै बम त होइन भन्ने आशंका स्थानीयले गरेको बताए । शंकास्पद वस्तु फेला परेको जानकारी पाए पछि जिल्ला प्रहरी कार्यालयको टोली घटनास्थल तर्फ गएको जिल्ला प्रहरी कार्यालयका सूचना अधिकृत विनोद घिमिरेले जानकारी दिए ।
