- सुन चाँदी दर
- विनिमय दर
- नेपाली पात्रो
- राशिफल
काठमाडौं । पोल्याण्डको संसदीय आयोगले दोस्रो विश्वयुद्धको क्रममा नाजी समुदायले कब्जा गरेको कारण मुलुकमा ५० लाख मानिसहरुको ज्यान गएको र करिब ५४ अर्ब डलरबराबरको रकम नोक्सानी भएको विवरण सार्वजनिक गरेको छ ।
पोल्याण्डको वर्तमान सरकार दोस्रो विश्वयुद्धमा नाजी समुदायले पुर्याएको नोक्सानीको क्षतिपूर्ति जर्मनीबाट लिन चाहन्छ । आयोगको अहिलेको यो घोषणा पनि त्यसैको एक भाग हो ।
अहिले सार्वजनिक गरिएको विवरण प्रारम्भिक रहेको बताइएको छ । सत्तारुढ पार्टीका नेता जारोस्लाव काकजिन्सकीले नाजी समुदायले सन् १९३९ मा सबैभन्दा पहिला पोल्याण्डमा आक्रमण गरेको उल्लेख गरे । उनले यो आक्रमण तथा विश्वयुद्धको कारण पोल्याण्डलाई दोस्रो विश्वयुद्धमा उल्लेख्य क्षति पुगेकोले जर्मनीले त्यसको पूर्ति गर्नुपर्ने बताए ।
दोस्रो विश्वयुद्ध सकिएपछि पनि लामो समयसम्म पोल्याण्डमा सोभियत रुसको प्रभुत्व रहेको थियो । जसको कारण स्वतन्त्ररुपमा यो मुलुकले जर्मनीसँग क्षतिपूर्ति माग्न सकेको थिएन । यद्यपि जर्मनीले पोल्याण्डमा नाजी समुदायको अत्याचारबाट बचेका मानिसहरुलाई भने क्षतिपूर्ति दिएको थियो । (एजेन्सी)