पाकिस्तानी पूर्वप्रधानमन्त्री अब्बासीलाई पक्राउ गर्ने आदेश
प्रकाशित २०७५ भदौ २६ मंगलबार
72
Shares
काठमाडौं । पाकिस्तानी पूर्वप्रधानमन्त्री शाहिद खाकान अब्बासीलाई पक्राउ गर्न आदेश भएको छ । पाकिस्तानी एक अदालतले अब्बासीलाई पक्राउ गर्न आदेश दिएको हो ।
उनीमाथि भ्रष्टाचारको मामलामा दोषी पूर्व प्रधानमन्त्री नवाज शरीफलाई एक उच्चस्तरीय सुरक्षा बैठकको सूचना दिएको आरोप छ ।
शरीफले गत मे महिनामा डन अखबारलाई दिएको अन्तर्वार्ताका क्रममा सन् २००८ मा भारतको मुम्बईमा भएको आतंकबादी हमलामा पाकिस्तानको हात रहेको बताएका थिए ।
यो अन्तर्वार्तापछि सरकार र सेनाबीच तनाव बढेको थियो । त्यसपछि तत्कालीन प्रधानमन्त्री अब्बासीको अध्यक्षतामा राष्ट्रिय सुरक्षा परिषदको बैठक बसेको थियो ।
अब्बासीले यो गोप्य बैठकको सूचना शरीफलाई दिएका थिए । अदालतमा उजुरीकर्ताको आरोप छ कि अब्बासीले यो सूचना दिएर प्रधानमन्त्रीका रुपमा लिएको सपथको उल्लंघन गरेका छन् ।
सुरक्षा प्रतिष्ठानको मानहानी गरेकाले उनलाई राजद्रोहको कार्वाहीको मागसमेत गरिएको छ ।
