रुसले थाल्यो तीन लाख सैनिक राखेर शीतयुद्धपछिकै ठूलो अभ्यास
चीन पनि सहभागी
प्रकाशित २०७५ भदौ २६ मंगलबार
200
Shares
काठमाडौं । रुसले शीतयुद्धपछिकै सबैभन्दा ठूलो सैन्य अभ्यास सुरु गरेको छ । पूर्वी सर्वियामा भैरहेको सैन्य अभ्यासमा करिब ३ लाख सैनिक सहभागी रहेको अन्तर्राष्ट्रिय संचारमाध्यमहरुले बताएका छन् ।
एक साता लामो अभ्यासमा भाग लिने सेनाको यो संख्या दोस्रो विश्वमा परिचालित सेनाको संख्याको हाराहारीको मानिएको छ ।
यसमा ३६ हजार ट्यांक, हजारभन्दा बढी विमान, बख्तरबन्द गाडीलगायत प्रयोग गरिने रुसी रक्षा मन्त्रालयले जनाएको छ ।
भोस्टोक–२०१८ नाम दिइएको अभ्यास सेनाको पाँच वटा अभ्यासस्थलमा फैलिएको छ भने चार वटा एअर वेशको उपयोग गरिने छ ।
रुसले शीत युद्धताका यस्तै तहको सैन्य अभ्यास गरेको थियो तर अहिलेको अभ्यासमा सहभागी सेनाको संख्या भने बढी छ ।
उत्तर एटलान्टिक सैन्य संगठन नेटोसँग तनाव चुलिरहेका बेला रुसले यो सैन्य अभ्यास गरेको हो ।
यो सैन्य अभ्यासले अमेरिकालाई चुनौती दिएको छ ।
चीन पनि सहभागी हुँदै
सैन्य अभ्यासमा चीन पनि सहभागी हुँदेछ ।
चीनले बख्तरबन्द गाडी र विमानसहित आफ्ना ३२ सय सेना पठाएको छ ।
मंगोलिया पनि सहभागी हुँदैछ । बीबीसीले जनाए अनुसार मंगोलियाले आफ्ना सहभागी हुने सैनिकको संख्या खोलेको छैन ।
