'निर्मलाका निम्ति न्याय' अभियानको प्रदर्शन शनिवार माईतीघरमा
#JusticeForNirmala
प्रकाशित २०७५ भदौ २८ बिहिबार
163
Shares
काठमाडौं। कंचनपुरकी १३ बर्षीया बालिका निर्मला पन्तको बलात्कार पछि भएको हत्यामा प्रसाशनले अलमल गरिरहेको आशंकामा आउँदो शनिवार काठमाडौंको माईतिघरमा 'निर्मलाका निम्ति न्याय' अभियानले प्रधर्शन गर्ने भएको छ।
घटना भएको ५० दिन बितिसक्दा पनि दोषीको पहिचान गर्न नसकेको प्रहरी प्रशासन र सरकारलाई खबरदारि गर्न उक्त प्रदर्शन हुन लागेको हो। समाजिक संजाल प्रयोगकर्ता र न्यायप्रेमीहरुको अग्रसरतामा हुने उक्त प्रदर्शन शनिवार दिउँसो १ बजे हुनेछ।
निर्मला पन्तका आमा-बाबु न्यायको खोजीमा देशको राजधानी आउनु परेको अवस्थामा न्याय दिन सरकार किन हिच्किचाईरहेको छ भन्ने प्रश्न जनमानसले गर्न थालेका छन्।
निर्मलाकालागि न्याय भन्दै सामाजिक संजाल र मिडियाहरु निरन्तर आवाज उठाईरहँदा पनि दोषी पत्ता लगाउन सरकार असफल हुँदै आएको छ। दोषी पत्ता लगाउनकालागि आयोगहरु बनिसके पनि दोषी पत्ता लगाउन नसक्नुले शंकाको सुई उच्चपदस्थहरु र पहुँचवालाहरु तर्फ घूमेको छ।
मानवअधिकार आयोगले पनि पर्हरीको सुरुवाती अनुसन्धान प्रकृयामा प्रशन उठाइसकेको छ। यसरी न्यायकालागि समय लम्बिदै जानुले अनेक शंका उपशंका पैदा गरेकाले सरकारलाई दवाब दिन उक्त प्रदर्शन हुन लागेको हो ।
