- सुन चाँदी दर
- विनिमय दर
- नेपाली पात्रो
- राशिफल
रौतहट । रौतहटको गढिमाई नगरपालिका ३ मा १२ वर्षकी बालिकालाई बलात्कार गर्नेलाई बचाउन प्रदेश सांसदले आफ्नै घरमा छलफल गराएको रहस्य खुलेको छ ।
सांसद अब्दुल कलाम आजाद फुलबाबुले पीडित पक्षलाई राखेर मिलापत्र गर्नका लागि दिएको दवाव असफल भएपछि यो घटना बाहिर आएको हो । सांसद आजादले एक लाख २० हजार दिएर मिलापत्रका लागि दिएको पीडित परिवारले जनाएको छ ।
बालिकालाई ५५ वर्षका सहमद अन्सारीले बलात्कार गरेको पीडित परिवारको आरोप छ । पीडित परिवारका अनुसार सांसद आलमले उजुरी नदिन धम्क्याएर चार दिनसम्म पञ्चायत राखेका थिए ।
बलात्कारका आरोपी अन्सारीबाट १ लाख ७० हजार लिएर १ लाख २० हजार पीडित परिवारलाई दिने र ५० हजार पञ्चायत बसेका सदस्यले बाँडेर खाने योजना बनेको थियो ।
पीडित परिवारले प्रहरीमा उजुरी दिएको छ । उजुरीपछि प्रहरीले अन्सारीलाई पक्राउ गरेको छ । गत २० भदौमा घरमा कोही नभएको मौका छोपी अन्सारीले बलात्कार गरेको उल्लेख छ ।