-
-
-
-
काठमाडौं । तेजाब आक्रमणमा परेपछि उपचार गराइरहेकी रौतहटकी किशोरी सम्झना दासको मृत्यु भएको छ। कीर्तिपुर अस्पतालको आइसीयूमा उपचार गर्दागर्दै सम्झनाको आइतबार राति ११ बजेर ४० मिनेटमा मृत्यु भएको अस्पतालले जनाएको छ ।
१८ वर्षीया सम्झना र उनकी १५ वर्षीया बहिनी सुस्मितामाथि एसिड आक्रमण भएको थियो । ुिस्मिताको अवस्था सामान्य हुँदै गएको छ ।
सम्झनाको स्वासप्रस्वास प्रणालीले काम गर्न छोडेपछि निधन भएको अस्पतालका प्रवक्ता डा सुरेन्द्रजंग बस्नेतले जानकारी दिएका छन् । उनको ३५ प्रतिशत शरीर जलेको थियो ।
घरमा सुतिरहेको अवस्थामा उनीहरूलाई भदौ २६ गते मंगलबार मध्यराति अपरिचित व्यक्तिले तेजाब फ्याँकेका थिए।
घाइते भएका दुवैजनालाई रौतहटको चन्द्रपुर अस्पतालमा प्राथमिक उपचार गरी थप उपचारका लागि काठमाडौं ल्याइएको थियो। रौतहट चन्द्रपुर ६ का दास दिदीबहिनी स्थानीय जनज्योति माविमा ७ कक्षा र ६ कक्षामा अध्ययनरत थिए।
