कञ्चनपुर । कञ्चनपुरको बेलौरीस्थित शान्ति माविका पूर्व विद्यार्थीहरुको पहलमा अनाथ तथा गरीब बालबालिका सहयोगार्थ प्रथम बेलौरी बृहत कार्यक्रम तथा रमाइलो मेलाको तयारी अन्तिम चरणमा पुगेको छ ।
बेलौरीको भकुण्डामा सञ्चालन हुन गइरहेको यस मेलाले सम्पुर्ण तयारी पुरा गरिएको आयोजकले जनाइको छ । कञ्चनपुरको दक्षिणी क्षेत्रका गरीब ,जेहेन्दार तथा असक्त वालवालिका शिक्षा बाट बञ्चित नहुन भन्ने उद्येश्यले स्थापना गरिएको पुर्व विद्यार्थी समाज नामक सस्थाले विद्यार्थी केन्द्रित गरी रमाइलो मेला आयोजना गर्न गइरहेको जनाइएको छ ।
मेलाको उद्घाटन समारोह असोज २३ गते बिहान ११ः३० बजे सुदुरपश्चिम प्रदेश प्रमुख मोहन राज मल्लद्वारा उद्घाटन गरिने भएको छ ।
पूर्व विद्यार्थी समाज शान्ति माविले सञ्चालन गर्न गइरहेको मेलाको व्यापक प्रचार प्रसारसमेत गरिएको छ । कञ्चनपरको दक्षिणी क्षेत्रकै रमणीयस्थल रहेको कालेश्वर महादेव मन्दिर परिसरमा आयोजित मेलाले ५० लाख बराबरको कारोबार हुने जनाएको छ भने ७५ हजार दर्शकले मेलाको अवलोकन गर्ने जनाइएको छ ।
मेलामा कृषि प्रदर्शनी , शैक्षिक प्रदर्शनी, विभिन्न स्टलहरु, चर्खा, बेलौरी नगरपालिका विद्यालय स्तरीय कला संस्कृति प्रतिस्पर्धा, रानाथारु, चौधरी समुदायको चालचलन, भेषभुषाको प्रदर्शन, राष्ट्रिय स्तरका कलाकारलगायत अन्य विभिन्न मनोरञ्जनात्मक कार्यक्रम गरिने बताइएको छ । मेला लाग्ने स्थानमा यस प्रदेश नं ७ कै ठूलो रानाथारु सङ्ग्रहालय स्थापना भइरहेकाले पनि पर्यटकीय क्षेत्र रहेको छ ।
