- सुन चाँदी दर
- विनिमय दर
- नेपाली पात्रो
- राशिफल
काठमाडौं । पूर्व ब्रेक्जिट सचिव डेभिड डेभिसले बेलायती क्याबिनेटका मन्त्रीहरुले प्रधानमन्त्री थेरेसा मेको प्रस्तावको विरोध गर्नुपर्ने बताएका छन् ।
बेलायती प्रधानमन्त्री मेले ल्याएको अल्पकालीन भन्सार व्यवस्थापनको योजनामा आपत्ति जनाउँदै यस्तो आग्रह गरेका हुन् ।
प्रधानमन्त्रीको यस किसिमको योजनामा ब्रेक्जिटका समर्थकहरुले अहिले ल्याइएको अल्पकालीन योजना आगामी दिनमा स्थायी बन्नसक्ने र यसले व्यापार सम्झौताको विरुद्धमा आवाज उठाउनबाट रोक लाग्नसक्ने उनीहरुको भनाइ छ ।
स्थानीय समाचारपत्रमा लेख्दै डेभिसले अहिले ल्याउन लागिएको यस किसिमको योजना स्वीकार गर्न नसकिने किसिमको रहेको बताएका छन् । आधुनिक जमानाको लागि लिइएको यो निकै महत्वपूर्ण निर्णय रहेको उनले बताएका छन् ।
अहिले ब्रेक्जिटको लागि उत्तरी आयरल्याण्ड र गणतान्त्रिक आयरल्याण्डको सीमाको विवाद भने अझै बाँकी रहेको छ ।
उत्तर आयरल्याण्ड अझै पनि ईयूको नियमको पक्षमा रहेको छ भने बेलायती प्रधानमन्त्री यसलाई स्वीकार गर्न नसकिने बताउँदै आएकी छिन् । आगामी साता ईयूका नेताहरुसँग बेलायतको ब्रेक्जिटको विषयमा छलफल हुने कार्यक्रम तय भएको छ ।
यो बैठकले ब्रेक्जिटअघि व्यापार सम्झौता हुने वा नहुने भन्ने कुराको तय गर्नेछ । (एजेन्सी)