गाउँबाटै नागरिकता पाएपछि स्थानीयमा खुसी

रामचन्द्र रायमाझी, प्रकाशित मिति : २०७५ मङ्सिर ८ शनिबार

पाल्पा । विगतमा नागरिकता बनाउन सदरमुकाम जानुपर्दा आजित भएका स्थानीयहरु गाउँबाटै नागरिकता पाएपछि खुसी भएका छन् । ग्रामीण भेगका जनतालाई गाउँबाटै सेवा प्रदान गर्ने लक्ष्यका साथ आयोजना गरिएको तीन दिने एकिकृत घुम्ती शिविरबाट नागरिकता पाएपछि  निस्दी गाउँपालिकाका स्थानीयहरु खुसी भएका हुन् ।

जिल्ला प्रशासन कार्यालय पाल्पाको आयोजना र निस्दी गाउँपालिकाको समन्वयमा सञ्चालित शिविरमा गाउँपालिकाको वडा नम्वर ३ झिरुबास, वडा ४ मित्याल, वडा ५ गल्धा र वड ६ अर्चलेका दुई सय ८९ जनाले वंशजको आधारमा नागरिकता पाएका छन् ।

गाउँपालिका ४ मित्यालमा सञ्चालन भएको  शिविरमा गाउँपालिकाका ४ वटा वडा भित्रका १ सय ७९ जना महिला र १ सय १० जना पुरुष गरी दुई सय ८९ जना स्थानीयले वंशजको आधारमा नेपाली नागरिकता प्राप्त गरेका हुन् ।

 शिविरमा दुई सय ६८ जनाले फोटो सहितको मतदाता नामावलीमा समेत आफ्नो नाम दर्ता गराएको जिल्ला प्रशासन कार्यालयका प्रशासकिय अधिकृत एवं एकिकृत घुम्ती शिविरका संयोजक हुम बहादुर पाण्डेले जानकारी दिए ।

 शिविरमा  चार वटा वडाका नागरिकले  सेवा प्राप्त गरेको निस्दी गाउँपालिकाका प्रवक्ता एवं वडा ६ का वडा अध्यक्ष मेख बहादुर सुनारीले बताए ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ