- सुन चाँदी दर
- विनिमय दर
- नेपाली पात्रो
- राशिफल
काठमाडौं । मानव अधिकार तथा शान्ति समाजले आतंकवादको निन्दा गरेको छ । समाजले पाकिस्तान सरकार समक्ष आतंकवादीलाई आश्रय नदिन आग्रह गरेको छ ।
समाजका तर्फबाट सभापति उत्तम पुडासैनीद्वारा जारि विज्ञप्तिमा दक्षिण एशियाली सहयोग संगठन सार्कलाई सक्रिय बनाउन भारत समक्ष आग्रह गरेको छ । भारतका प्रधानमन्त्री नरेन्द्र मोदी र पाकिस्तानका प्रधानमन्त्री इमरान खानलाई भारत र पाकिस्तानबीचको तनाव घटाउन विवेकसम्मत कदम चाल्न शान्ति समाज आग्रह गरेको हो ।
कास्मिरको पुलवामामा भएको आत्मघाती आक्रमणमा भारतीय सुरक्षा निकाय सीआरपीएफका ४४ भन्दा बढीको मृत्यु पश्चात भारत–पाकिस्तानबीच बढ्दो तनावले दक्षिण एशियाको शान्ति खलबलिएको छ ।
मानव अधिकार तथा शान्ति समाजले सदैव आतंकवादको निन्दा गर्दै आएको छ । शान्ति समाजले सदैव युद्धको विरुद्धमा र शान्तिको पक्षमा अभियान सञ्चालन गर्दै रचनात्मक संवादमा जोड दिँदै आएको छ ।
शान्ति समाजद्वारा संचालित एक अभियानका क्रममा पुर्व घोषित ३ वटा धर्ना मध्ये संघीय संसद भवन अगाडि फागुन २२ र २९ गते गर्ने भनिएको धर्ना पछिल्ला केही घटनाक्रमका कारण स्थगन गरिएको जनाएको छ ।