-
-
-
-
कञ्चनपुर। बलात्कारपछि हत्या गरिएकी कञ्चनपुरकी १३ बर्षिया निर्मला पन्त प्रकरणमा मुछिएका केन्द्रीय अनुसन्धान ब्यूरो सिआईबीका डिएसपी अंगुर जिसीको बयान शुरु भएको छ । सोमबार बिहान अदालतमा उपस्थित भएका डिएसपी जिसीको बयान शुरु भएको हो ।
उनी सहित आठ प्रहरी बिरुद्ध निर्मला पन्तकी आमा दुर्गादेवि पन्तले सार्वजनिक न्याय कसुर र ४ भदौँमा सार्वजनिक गरिएका दिलिपका दाजु खडक सिह विष्टले यातना बिरुद्धमा दायर गरेको मुद्दा लागेका पुर्व डिएसपी जिसी सोमबार दिउँसो ११ बजेतिर आफै जिल्ला आदालत कञ्चनपुरमा उपस्थित भएका थिए ।
जिल्ला अदालत कञ्चनपुरका श्रेष्तेदार हरिकृष्ण अवस्थीले जिल्ला न्यायाधिश डा. राजेन्द्र कुमार आचार्यको उपस्थितिमा बयान गरिएको बताए । ‘आज बयान सकिएन, ‘श्रेस्तेदार अवस्थीले भने, ‘हामीले जिसीलाई प्रहरीको जिम्मा लगाएका छौँ ।’ मंगलबार बिहान १० बजे आदालतमा उपस्थित गराउने हिसाबले जिसी प्रहरीको नियन्त्रणमा छन् ।
