- सुन चाँदी दर
- विनिमय दर
- नेपाली पात्रो
- राशिफल
काठमाडौँ । चैतको हावाहुरीसहित आएको वर्षाले ठूलो क्षति ल्याउने संकेत दिएको छ । सोमबार साँझदेखि एकाएक बिग्रिएको मौसमले केही दिन असर गर्ने जल तथा मौसम पूर्वानुमान महाशाखाले बताएको छ ।
मंगलबार बिहानै काठमाडौँ उपत्यका लगायतमा वर्षा भएको छ । अझै थप वर्षा हुन सक्ने सम्भावना रहेको महाशाखाले जनाएको छ ।
दिउँसो देशका अधिकांश स्थानहरूमा सामान्यदेखि पूर्ण बदली रही पहाडी भूभागहरूमा केही स्थानहरुमा मेघ गर्जनसहितको हल्का वर्षाको संभावना रहेको
छ। उच्च पहाडी र हिमाली क्षेत्रहरूमा हल्का हिमपातको सम्भावना रहेको समेत महाशाखाले भनेको छ ।
त्यस्तै मंगलबार राति मध्य र पुर्वी पहाडी भूभागहरुमा आंशिकदेखि सामान्य बदली रहने छ भने पश्चिमी भुभागहरुमाआंशिक बदली हुने देखिन्छ ।
मध्य र पुर्वीपहाडी भेगका एक दुइ स्थानहरुमा मेघ गर्जन सहितको छिटपुटदेखि हल्का वर्षाको संभावना रहेको समेत महाशाखाले जनाएको छ।
बुधबार दिउँसो देशको पूर्वी भूभागमा र अन्य पहाडी भूभागहरुमा आंशिक बदली रहि बाँकी भूभागहरुको मौसम सामान्यतया सफा रहने छ । पूर्वी भेगका एक दुई स्थानहरुमा मेघ गर्जन सहितको छिटपुट वर्षाको संभावना देखिएको जल तथा मौसम पूर्वानुमान महाशाखाले जनाएको छ ।
बुधबार राति पहाडी भूभागहरुमा आंशिक बदली रहने र बाँकी भूभागहरुको मौसम सामान्यतया सफा रहने समेत जनाइएको छ ।