-
-
-
-
काठमाडौं । मतमतान्तरकाबीच प्रधानमन्त्री केपी शर्मा ओलीलाई सात वटै प्रदेशका मुख्यमन्त्रीहरुले भेट गरेका छन् । बिहीबार विहान प्रधानमन्त्री निवास बालुवाटारमा सबै मुख्यमन्त्रीहरुले संयुक्त रुपमा प्रधानमन्त्री ओलीलाई भेटेका हुन् ।
केन्द्र सरकारले आफूहरुलाई अधिकार दिन आनाकानी गरेको जस्ता विभिन्न बुँदाहरुमा केन्द्र र प्रदेशबीच मतमतान्तर चलिरहेको छ । यही बीचमा प्रदेश नं २ मा गएको विनासकारी हावा हुरी जाँदा पनि केन्द्र सरकारले त्यति आवश्यक पहल नगरेपछि यो विषयपनि भेटमा उठ्ने बताईएको छ । त्यस्तै सोही प्रदेशमा भएको एसईईको प्रश्न पत्र आउट भएको विषयमा पनि छलफल हुनसक्ने प्रधानमन्त्रीको निजी सचिवालयले जनाएको छ ।
सातैजना मुख्यमन्त्रीहरु राष्ट्रिय विकास परिषद्को बुधबार र बिहीबार काठमाडौंमा जारी बैठकमा सहभागी हुनको लागि काठमाडौं आएका थिए ।
