जन्ती बोकेको ट्याक्टरलाई टिपरले ठोक्यो, एक जन्तीको मृत्यु, घाइते १० जन्तीमध्ये एक गम्भीर

जन्ती बोकेको ट्याक्टरलाई टिपरले ठोक्यो, एक जन्तीको मृत्यु, घाइते १० जन्तीमध्ये एक गम्भीर

प्रकाशित २०७६ वैशाख १४ शनिबार

पुनर्वास । कैलालीको धनगढी देखि बेलौरी जन्ती बोकेर आउँदै गरेको ट्याक्टर ट्रालीलाई बिपरितबाट आएको टिपरले पुनर्वासको डोकेबजारमा ठोक्दा एक जनाको मृत्यु भएको छ ।

दुर्घटनामा १० जना घाइते भएका छन् । शुक्रबार साँझ करिब ५ बजेतिर धनगढीबाट जन्ती बोकेर आउँदै गरेको से १ त २०६७ नम्बरको ट्याक्टरलाई से १ क ९८८ नम्बरको टिपरले ठक्कर दिदा ट्याक्टर ट्रालीमा आएका जन्तीमध्ये बेलौरी नगरपालिका ४ की रामकुमारी रानाको मृत्यु भएको छ ।

१० जना जन्ती घाइते भएका छन् । घाइतेमध्ये १ जना गम्भीर घाइतेको धनगढीस्थित सिपि अस्पतालमा उपचार भइरहेको छ भने अन्य ९ जना घाइतेहरुको सेती अञ्चल अस्पतालमा उपचार भइ रहेको प्रहरीले जनाएको छ ।