- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली काँग्रेसका नेता प्रकाशमान सिंहले प्रधानमन्त्री केपी शर्मा ओलीले संसदको मर्यादा समेत ख्याल गर्न नसक्नु लज्जास्पद भएको बताएका छन् ।
काठमाडौं क्षेत्र नम्बर १ मा शनिबार आयोजित चियापान तथा भेटघाट कार्यक्रममा बोल्दै पूर्व उपप्रधानमन्त्री समेत रहेका नेता सिंहले बर्तमान सरकारका गतिविधिले संसदीय ब्यवस्थामा आँच पुगेको बताएका छन् ।
सरकार काम केहि नगरि सम्वृद्धिको नारा लगाएर मात्र बसेको सुशासन दिन नसकेको, विकास बजेट खर्च गर्न नसकेको संघीयता असफल बनाउन उद्धत रहेको आरोप लगाए ।
नेता सिंहले नेपाली जनतालाई अधिकार दिलाउनका लागि जस्तोसुकै मूल्य चुकाउन तयार हुने पार्टी काँग्रेस रहेको जिकिर समेत गरेका छन् । अहिलेको सरकारमा रहेका दलहरु मुलुकमा द्धन्द्ध मार्फत सत्तामा पुगेको उदाहरण दिँदै माओबादी, एमाले जस्तो हिँसात्मक बाटोबाट स्थायी भएको पार्टी काँग्रेस नभएको बिचार ब्यक्त गरे ।
आफूहरु जस्तोसुकै भएपनि जनमतको भने सम्मान गर्नेसमेत बताए । नेकपाको दुईतिहाई सरकार भएको भएपनि देशले राहत नपाउने ठोकुवा गर्दै संबिधान बनाउँदा कम्युनिष्टका ४ जना विद्वान प्रधानमन्त्री भएपनि संबिधान जारी नभएको कुरा ख्याल गर्न समेत आग्रह गरे ।
दुइतिहाई वा बहुमत जस्तो भएपनि संबिधानको भावना र मर्मबिपरीत अगाडी बढ्ने प्रयास गर्छ भने काँग्रेस चुप लागेर नबस्ने भन्दै सशक्त रुपमा प्रतिबाद गरिने नेता सिंहले बताए ।
यति बेला सरकारका गतिविधिले चौतर्फी रुपमा निराशा छाएको समेत बताउँदै जतासुकै त्रासको बाताबरण छाएकोप्रति सजक रहन सरकारलाई आग्रह गरेका छन् ।