-
-
-
-
काठमाडौँ । गत शनिबारदेखि मुलुकमा देखिएको मौसमको बितण्डा अझै रोकिएको छैन । हावाहुरीसहितको वर्षा र चट्याङको सम्भावना कायमै रहेको जल तथा मौसम पूर्वानुमान महाशाखाले जनाएको छ ।
महाशाखाले बिहीबारसम्मै बर्षा हुने भविष्यवाणी गरेको छ । त्यसैगरी हिमपात हुने प्रवल सम्भावना देखाएको छ ।
मंगलबार देशभरि आंशिकदेखि सामान्य बदली रही केही स्थानहरुमा मेघ गर्जन, हावाहुरीसहित वर्षाको सम्भावना रहेको छ। उच्च हिमाली भूभागहरुमा हल्कादेखि मध्यम हिमपातको संभावना छ ।
त्यस्तै मंगलबार राति देशभरि आंशिकदेखि सामान्य बदली रही देशका थोरै स्थानहरुमा मेघ गर्जन, हावाहुरीसहित वर्षाको सम्भावना रहेको छ । उच्च हिमाली भूभागहरुमा हल्कादेखि मध्यम हिमपातको संभावना छ ।
