काठमाडौं । नेपाली काँग्रेसका सभापति शेरबहादुर देउवा सिंगापुर जाँदैछन् । बुधबार साँझ स्वास्थ्य उपचारको लागि देउवा सिंगापुर जान लागेका हुन् ।
सिंगापुर जानु अघि सभापति देउवाले काँग्रेस महामन्त्री पूर्णबहादुर खड्का र सह महामन्त्री डा प्रकाश शरण महतलाई देउवा निवास बुढानीलकण्ठमा बोलाएर यस विषयमा जानकारी दिएका थिए ।
यही जेठ १५ गते मुलुकमा आगामी आर्थिक वर्षको बजेट ल्याईँदै छ । स्वास्थ्योपचार गरेर सभापति देउवा सिंगापुरबाट १३ गते साँझ फर्किने नेपाली काँग्रेसले जनाएको छ ।
पार्टीको तर्फबाट राष्ट्रिय जागरण अभियान मध्य भागमा चलिरहेको र छायाँ सरकार गठन गरेको दुई दिनपछि नै सभापति देउवा सिंगापुर जानुलाई विभिन्न शंका उपशंकाको दृष्टिले हेरिएको छ ।
