- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली कांग्रेस संसदीय दलकी सचेतक पुष्पा भुषालले कुनै पनि हालतमा सरकारले ल्याउन खाजेको गुठी सम्बन्धी विधेयक पेश गर्न नदिने दावी गरेकी छिन् ।
सरकारले गलत नियतले गुठी सम्बन्धी विधेयक ल्याउन खोजेको भन्दै उनले प्रमुख प्रतिपक्षी दलको हैसियतले कांग्रेसले यसलाई रोक्ने बताइन् ।
उनले भनिन्, ‘गलत नियतले आएको छ खारेज गर्नुपर्छ । गुठियारलाई हटाउन खोजिएको छ । परम्परा, संस्कृतिमाथि हस्तक्षेप र गुठीको सम्पत्तिमाथि आँखा लगाइएको छ ।’
उनले सरकारले संसदमाथि हस्तक्षेप गर्न नपाइने पनि तर्क गरेकी छिन् । भन्छिन्, ‘सरकार बहुमतले चलाउने हो । संसद बहुमतले चल्दैन । संसदमा प्रतिपक्षीको पनि भूमिका हुन्छ । हामी प्रतिपक्षीको भूमिकामा सशक्त देखिन्छौं । गलत नियतले आउने कुनै पनि चिजलाई अब अगाडि बढ्न दिन्नौं ।’
उनले गुठी जनताको भावना, संस्कृति र आस्थासंग जोडिएको भन्दै मानिसको जन्मदेखि मृत्युसंग जोडिएर आउने प्रक्रियालाई सरकारले रोक्न खोज्छ भने त्यसको प्रतिकार गर्नुको विकल्प नभएको बताइन् ।
उनले स्पष्ट पार्दै भनिन्, ‘सरकारले यसलाई परिमार्जन गर्ने गरी ल्याएको हैन । गलत नियतले ल्याएपछि त्यसलाई रोक्नुको अर्को विकल्प हामीसंग छैन ।’
प्रधानमन्त्री केपी शर्मा ओलीले आइतबार युरोप भ्रमणबाट फर्केपछि विधेयक सच्याउन सकिने बताएका थिए ।
तर उनले आन्दोलनकारी, विपक्षीहरुलाई फाइदा पुग्ने गरी निर्णय नगर्ने भन्ने शब्दको प्रयोग गरेर फेरि पनि सरकारको दम्भ संसदबाट निकाल्न खोजेको स्पष्ट पारेका छन् ।
सूचना प्रविधि तथा संचार मन्त्री गोकुल बास्कोटाले त गुठीलाई सामन्तवादको अवशेष भन्न भ्याएका थिए ।
सरकारले ल्याएको गुठी विधेयकको विरोध सडकदेखि संसदसम्म भइरहेको छ ।