दुःखी पूर्व राजा ज्ञानेन्द्रले मनाएनन् आफ्नो जन्मोत्सव

प्रकाशित मिति : २०७६ असार २३ सोमबार

काठमाडौं । पूर्वराजा ज्ञानेन्द्र शाहले यस वर्षको जन्मोत्सव नमनाउने भएका छन् । उनले आफन्तहरुको निधन भएको कारण देखाउँदै यस वर्ष जन्मोत्सव नमनाउने निर्मल निवास स्रोतले जनाएको छ ।

तिथिले भन्दा पनि मितिले २०७६ असार २३ गते ७३ वर्ष लागेका शाहले यसअघि तामझामसहित जन्मोत्सव मनाउने गरेका थिए । 

उनका आफन्त प्रभाकर शमशेर राणा, प्रबल शमशेर राणा लगायतको निधन भएपछि जन्मोत्सव स्थगित भएको निर्मल निवास स्रोतले जानकारी दिएको छ ।

उनी सोमबार निर्मल निवासमा पनि बस्ने छैनन् । तर उनी उपत्यका बाहिर पनि गएका छैनन् । सम्भवतः नागार्जुनमा सीमित व्यक्तिहरुसंग रहने स्रोतले बताएको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ