- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली कांग्रेसका केन्द्रीय सदस्य गगन थापाले एक दिवसीय विश्वकप क्रिकेटको फाइनल खेल इंगल्याण्डको लर्डस मैदानमा पुगेर हेरेका छन् ।
स्कुले उमेरदेखि नै क्रिकेट भनेपछि हुरुक्कै हुने थापाले लर्डस मैदानमा पुगेर खेल हेरेको तस्वीर ट्वीटरमार्फत सार्वजनिक गरेका छन् ।
उनले ट्वीटरमा इंगल्याण्ड र न्यूजिल्याण्डको फाइनल खेल हेर्ने अवसर मिलेको र यसबाट आफू उत्साही भएको बताएका छन् ।
उनले आफ्नो देश नेपाल र नेपाली खेलाडीले विश्वकपको फाइनल खेलेको हेर्ने धोको रहेको समेत बताएका छन् ।
विश्वकप एक दिवसीय क्रिकेटको फाइनलमा अहिलेसम्मकै निकै रोमाञ्चक प्रदर्शन भएको छ । निर्धारित ५० ओभरमा टाइ भएपछि थपिएको सुपर ओभरमा पनि टाइ भएपछि बढी चौका प्रहार गरेको आधारमा इंगल्याण्ड विजयी भएको थियो ।
गगन थापाले इंगल्याण्डमा पुगेर भिजिट नेपाल २०२० को पनि प्रमोशन गरेका छन् ।