कांग्रेस सांसद मोहन आचार्यले बनाए आफ्नै घरमा २१ बेडको क्वारेन्टाइन

प्रकाशित २०७६ चैत १३ बिहिबार

रसुवा। नेपाली काँग्रेसको तर्फबाट रसुवाबाट प्रतिनिधिसभा सदस्यमा निर्वाचित सांसद मोहन आचार्यले उत्तरगया गाउँपालिका वडा नम्वर ५ लहरेपौवामा रहेको आफ्नो घर क्वारेन्टाईनका लागि उपलब्ध गराएका छन् ।

कोरोना भाईरसको संक्रमणबाट रसुवाबासी नागरिकलाई जोगाउन स्थानीय तहसँग मिलेर संयुक्त प्रयास गरिरहेका सांसद आचार्यको घरमा बिहिबारबाट २१ बेडको क्वारेन्टाईन तयार भएको उत्तरगया गाउँपालिका अध्यक्ष उपेन्द्रराज लम्सालले जानकारी दिएका छन् ।

लम्सालका अनुसार गाउँपालिकाले लहरेपौवाको अतिरिक्त वडा नम्वर २ को डाँडागाउँमा पनि १५ बेडको क्वारेन्टाईन तयार गरेको छ ।