लैनचौरबाट कृष्ण पहाडीसहित २२ अधिकारकर्मी गिरफ्तार

प्रकाशित मिति : २०७७ बैशाख ३० मंगलबार
फाईल तस्विर।

काठमाडौं। भारतले गरेको नेपाली भुमी अतिक्रमण विरुद्ध मानव अधिकार तथा शान्ति समाजले २०७७ वैशाख ३० गते दिउँसो भारतीय दुतावास लैनचौर अगाडि बिरोध प्रदर्शन गरेको छ ।

बिरोध प्रदर्शनबाट प्रहरीले अधिकारकर्मी तथा शान्ति समाजका संस्थापक सभापति कृष्ण पहाडी, सभापति उत्तम पुडासैनी, अपिल समिति संयोजक बटुकृष्ण ढुंगेल, सचिव बलबहादुर गाहा मगर, कोषाध्यक्ष रामकृष्ण बराल, केन्द्रिय सदस्य गीता तिमल्सिना, अधिकारकर्मीहरु जगन्नाथ पुडासनैनी, चन्द्रमणी बञ्जरा, नानिकाजी गिरी, ईश्वर पुडासैनी, अमृतजंग महत, विकास थापा, भगवान पुडासैनी, रामहरी श्रेष्ठ, उमा गौतम, लक्ष्मी राना पुडासैनी, माया भट्टराई, ज्ञानहरी ढुंगाना, सुरज बोहरा, हरिचन्द्र पुडासैनी, ललित पुन र धिरेन पुनसहित २२ जनालाई गिरफ्तार गरेको छ ।  गिरफ्तार अधिकारकर्मीहरुलाई  नेपाल पुलिस क्लब भृकुटीमण्डपमा राखेको छ ।

विरोध प्रदर्शनका क्रममा सीमा अतिक्रमण अपराध हो, नेपालको सार्वभौमसत्ताको सम्मान गर, लिपुलेक सडक निर्माण तत्काल रोक, भारतीय सेना कालापानीबाट फिर्ता गर लेखिएका प्लेकार्डहरु प्रदर्शन गरिएको थियो ।

यसैगरी मानव अधिकार तथा शान्ति समाज दाङ शाखाले भारतले गरेको सीमा अतिक्रमणको विरोधमा २०७७ वैशाख ३० गते विहान तुलसीपुरमा विरोध प्रदर्शन गरेको छ । विरोध प्रदर्शनमा शान्ति समाजका केन्द्रिय महासचिव सुशिल बस्नेत, दाङ शाखा सभापति शरद रेग्मी, पुर्व सभापतिहरु मोहन धिताल, निर्मल नेपाली, उपसभापति तुलसीराम सुनुवार, सचिव निर्मला डाँगी,  सहसचिव उषा गौतम, सदस्य भीमलाल मरासिनी लगायतको सहभागिता थियो ।

नयाँ