-
-
-
-
काठमाडौं। सरकारले हालै जारी गरेको नेपालको नयाँ नक्सालाई संविधानमा समावेश गर्न संविधान संशोधनका लागि प्रस्ताव दर्ता गराएको छ ।
कानुनमन्त्री शिवमाया तुम्बाहाङफेले संसद सचिवालयमा संशोधन प्रस्ताव दर्ता गराएकी हुन् ।
तुम्बाहाङफेले अनुसूची ३ मा रहेको नेपालको निशान छापभित्र रहेको नक्सालाई वास्तविक सीमाअनुसार मिलाउन संविधान संशोधन गर्न संशोधन प्रस्ताव दर्ता गरेकी हुन् ।
शुक्रवार नै बसेको मन्त्रिपरिषद् बैठकले नेपालको संविधानको अनुसूची ३ लाई संशोधन गर्ने निर्णय गरेको थियो ।
लिपुलेक, लिम्पियाधुरा र कालापानीसमेत समेटेर नेपालको नयाँ नक्सा जारी भएपछि संविधान संशोधनको आवश्यकता परेको हो ।
