arrow

क्वारेन्टाइन : खाना सबैलाई नपुगेपछि खुवाउने दुई युवकलाई प्रहरीको निर्घात कुटाइ !

logo
प्रकाशित २०७७ जेठ १६ शुक्रबार
nepal-police.jpeg

प्युठान । प्युठानमा क्वारेन्टाइनमा खाना खुवाउने विषयमा सामान्य विवाद हुँदा प्रहरीले दुई युवकलाई कुटपिट गरेको आरोप लगाइएको छ  । मल्लरानी गाउँपालिका वडा नं ३ मुन्डाँडा क्वारेन्टाइनमा खाना खुवाउने विषयमा सामान्य विवाद भएपछि दुई युवकको प्रहरीको निर्घात कुटाइबाट हात भाँचिएको पीडितले बताएका छन् ।  

घटनामा स्थानीयवासी ३० वर्षीय झविलाल खत्रीको  दायाँ हात भाँचिएको छ  भने २० वर्षीय फनबहादुर खत्री गम्भीर घाइते भएका छन् । उनको जिल्ला अस्पताल बिजुवारमा उपचार भइरहेको छ ।  

जनकल्याण आधारभूत क्वारेन्टाइनमा रहेकालाई खाना खुवाउने जिम्मा स्थानीयवासी खत्रीले लिएको र भात खुवाउँदा सबैलाई नपुगेपछि पुनः पकाउने भन्ने विषयमा मल्लरानी गाउँपालिकाका कार्यपालिका सदस्य चन्द्रबहादुर सार्कीसँग सामान्य विवाद भएको खत्रीले बताए । 

सामान्य विवादको विषयलाई लिएर प्रहरी बोलाइएको र  आफूहरुको कुरा नसुनी निर्घात कुटपिट गरिएको घाइते  खत्री बताउछन् । बुधबार बेलुका भएको घटनापछि घाइते आज मात्रै अस्पताल पुगेका छन् ।

  वडाध्यक्ष गिरिराज पौडेलले मदिरा सेवन गरी विवाद गरेकाले प्रहरीलाई आफूहरुले बोलाएको तर क्वारेन्टाइनमा कुनै कुटपिट नभएको जिकिर गरे ।  प्रहरीचौकी चुजाँठाटीका इञ्चार्ज प्रहरी सहायक निरीक्षक भीमबहादुर वलीले आफूले सम्झाइबुझाइ मात्र गरेको र हात भाँचिएको विषय थाहा नभएको बताए । 



लोकप्रिय समाचार
लोकप्रिय समाचार
नयाँ