कांग्रेस उपसभापति विमलेन्द्र निधिको यस्तो छ स्वास्थ्य टिप्स

कांग्रेस उपसभापति विमलेन्द्र निधिको यस्तो छ स्वास्थ्य टिप्स

प्रकाशित २०७७ असार १४ आइतबार

काठमाडौं । नेपाली काँग्रेसका उपसभापति विमलेन्द्र निधिले शरीर स्वस्थ्य हुन मन स्वस्थ्य हुनुपर्ने बताएका छन् । नेपाली काँग्रेस केन्द्रीय नीति, अनुसन्धान तथा प्रशिक्षण प्रतिष्ठान महिला सशक्तीकरण फोरमले शनिबार यहाँ आयोजना गरेको ‘मानसिक स्वास्थ्य’ विषयक कार्यक्रममा उनले मानसिक तनावका कारण मुलुकमा आत्माहत्या बढ्दै गएको बताएका हुन् ।

कार्यक्रममा कोरोनाको त्रास, बन्दाबन्दीको समयमा परेको मानसिक तनाब, बाल स्वास्थ्य तथा मातृ शिशु र प्रजननमा परेको असर र बढ्दै गरेको आत्माहत्यालाई लिएर छलफल आयोजना गरिएको थियो ।

कार्यक्रममा मनोविद् डा छोरी महर्जनबाट बन्दाबन्दीको समयमा आम मानिसमा बढिरहेको भय, तनाव, विकास भएको निराशा र जीवनप्रतिको उदासिनताका कारण उत्पन्न समस्या र निराकरणका विषयमा विचार प्रस्तुत भएको थियो ।