स्वास्थ्य जाँच गराउन पुगेका पुरुषमा कोरोना, आइसीयूमा मृत्यु
प्रकाशित २०७७ कार्तिक १४ शुक्रबार
323
Shares
लुम्बिनी । बुटवल धागो कारखानास्थित कोरोना विशेष अस्पतालमा उपचाररत कोरोना संक्रमितको शुक्रबार बिहान मृत्यु भएको छ ।
लुम्बिनी प्रादेशिक अस्पतालका सूचना अधिकारी डा विष्णु गौतमले शुक्रबार जारी गरेको विज्ञप्तिमा कात्तिक १ गते कोरोना संक्रमण भएर कोरोना विशेष अस्पताल भर्ना भएका बुटवल उपमहानगरपालिका–८ का ५५ वर्षीय पुरुषको शुक्रबार बिहान ८ बजे मृत्यु भएको जनाइएको छ ।
कात्तिक १ गते स्वास्थ्यमा समस्या देखिएपछि लुम्बिनी प्रादेशिक अस्पतालको फिवर क्लिनिकमा स्वास्थ्य जाँच गराउन पुगेका उनलाई कोरोना पुष्टि भएलगत्तै कोरोना विशेष अस्पताल पठाइएको थियो ।
कोरोना विशेष अस्पतालको सघन उपचार कक्षमा भर्ना गरेर उपचार हुँदै गर्दा मृत्यु भएको विज्ञप्तिमा जनाइएको छ । उनलाई यस अघिनै ज्वरो, निमोनिया, उच्च रक्तचाप, मधुमेह र स्वाशप्रस्वाशको समस्या रहेको अस्पतालले जनाएको छ ।
