arrow

खड्काको निधनमा प्रम ओलीले भने- 'उहाँले नटेकेको कुनै बाटो छैन, नभेटेको व्यक्ति छैन'

logo
प्रकाशित २०७७ मंसिर २ मंगलबार
bom1.jpg

काठमाडौँ । प्रधानमन्त्री केपी शर्मा ओलीले वामपन्थी नेता बोमबहादुर खड्काको निधनप्रति दुःख व्यक्त गरेका छन् । उनले मंगलबार विज्ञप्ति जारी गर्दै खड्काको निधनबाट पार्टी, जनता र राष्ट्रका लागि अपूरणीय क्षति भएको बताए ।

 उनले खड्काप्रति  श्रद्धाञ्जलि व्यक्त गर्दै शोकसन्तप्त परिवारजनमा  समवेदनासमेत व्यक्त गरेका छन्। “गुल्मी जिल्लामा उहाँले नटेकेको कुनै बाटो छैन होला, उहाँले नभेटेको कुनै व्यक्ति छैन होला ।”

नेता खड्काले लुम्बिनी विशेषतः गुल्मी जिल्लाको कम्युनिष्ट आन्दोलनमा अत्यन्त महत्वपूर्ण र अविस्मरणीय योगदान पुर्‍याएका छन् । “ सिद्धान्तप्रतिको निष्ठा, उन्नत राजनीतिक चेतना, पार्टी, जनता र राष्ट्रप्रतिको निःस्वार्थ एवम् असीमित समर्पण उनका विशेषता हुन्”, सन्देशमा भनिएको छ । 

प्रधानमन्त्री ओलीले नेता खड्काका योगदान चीरकालसम्म स्मरणीय र भावी पुस्ताका लागि प्रेरणाको स्रोत रहने पनि उल्लेख गरेका छन्। 



लोकप्रिय समाचार
लोकप्रिय समाचार
नयाँ