उद्योग वाणिज्य महासंघको उपमहानिर्देशकमा गोकर्ण अवस्थी नियुक्त
प्रकाशित २०७७ पुष २ बिहिबार
830
Shares
काठमाडौं। नेपाल उद्योग वाणिज्य महासंघको उपमहानिर्देशकमा गोकर्ण अवस्थी नियुक्त भएका छन्। पदाधिकारी बैठकको निर्णयअनुसार महासंघ अध्यक्ष शेखर गोल्छाले बुधबार अवस्थीलाई नियुक्त गरेका हुन्। यूएनसंगको आवद्धता सकिएपछि अवस्थी गोल्छा ग्रुपसँग आवद्ध थिए। गोल्छा महासंघमा अध्यक्ष भएसँगै नियुक्त अवस्थीले महासंघभित्र रहेर अनुसन्धान, कन्टेन्ट राइटिङ र सञ्चार विज्ञको रुपमा काम गर्ने छन्।
अर्थतन्त्र र व्यापारका विषयमा राम्रो जानकार अवस्थी डेढ दशक आर्थिक पत्रकारितामा संलग्न थिए। अवस्थी नेपाल आर्थिक पत्रकार समाज (सेजन)का पूर्वअध्यक्ष हुन्। अवस्थीसँग संयुक्त राष्ट्र संघ नेपालको दिगो विकास लक्ष्य सल्लाहकारका रुपमा काम गरेको अनुभव छ।
शंकरदेव क्यापम्पसबाट व्यवस्थापनमा स्नाततकोत्तर र भारतको इन्डियन इन्स्टच्यूड अफ मास कम्यिुकेशनबाट विकास पत्रकारितामा डिप्लोमा गरेका अवस्थी एक दशकदेखि विभिन्न कलेजहरुमा अध्यापना गराउँदै आएका छन्।
