भारतमा दुई लाखमा झरे कोरोनाका सक्रिय संक्रमित, यस्तो छ आंकडा

भारतमा दुई लाखमा झरे कोरोनाका सक्रिय संक्रमित, यस्तो छ आंकडा

प्रकाशित २०७७ पुष ७ मंगलबार

काठमाडौं । भारतमा कोरोना भाइरसको महामारी नियन्त्रणतर्फ उन्मुख भएको छ । सोमबार मात्र १९ हजार १४१ कोरोनाका नयाँ संक्रमित थपिएका छन् । योसँगै भारतमा अहिलेसम्म कोरोना संक्रमित हुनेको संख्या १ करोड ७५ हजार ४२२ रहेको छ ।

सोमबार कोरोनामुक्त हुनेको संख्या ३० हजार १९९ रहेको छ । सोमबार ११ हजार भन्दा बढीको अन्तरमा सक्रिय संक्रमित घटेका छन् । योसँगै सक्रिय संक्रमितको संख्यामा कमी आएर दुई लाखको आँकडामा आएको छ । हाल २ लाख ९० हजार ९७७ जना सक्रिय संक्रमित रहेका छन् ।

सोमबार थप ३०० जनाको ज्यान गएको छ । हालसम्म १ लाख ४६ हजार १४५ जनाको ज्यान गइसकेको छ ।