काठमाडौं । सिटी एक्स्प्रेस मनी ट्रान्सफर र दुबईस्थित अल फर्दान एक्सचेन्जको संयुक्त सहकार्यमा आयोजना गरिएको ‘दशैं तिहार बम्पर धमाका’ बाट दिपकराम टमाटाले दुई लाख रुपैयाँ जित्न सफल भएका छन् । सो योजना अन्तर्गत दुबईको अल फर्दान एक्सचेन्जबाट सिटी एक्सप्रेस मार्फत पैसा पठाउँदा दोस्रो विजेता स्वरूप उनले दुई लाख जित्न सफल भएका हुन् ।
यस योजनामा विजेता छनोट लक्की ड्र मार्फत गरिएको थियो । जस अन्तर्गत सिटी एक्स्प्रेसबाट रकम पठाएर ८ जनाले कलर टिभी, ४ जनाले माईक्रोवेभ ओभन, ४ जनाले ब्लेन्डर, ५ जनाले राइस कुकरलगायत ६ जनाले ईलेक्ट्रिक केट्टल जस्ता घरेलु उपकरणहरु जित्न सफल भएका छन् ।
सिटी एक्सप्रेसले प्रेस विज्ञप्ति जारी गर्दै रेमिटान्स क्षेत्रमा आफ्नो छुट्टै पहिचान बनाउँदै विगत १४ वर्षदेखि संसार भरबाट विप्रेषण सेवा प्रदान गर्दै आइरहेको जनाएको छ ।
आन्तरिक विप्रेषण अन्तर्गत सिटी एक्सप्रेसका देशभर छरिएर रहेका १० हजारभन्दा बढी भुक्तानी केन्द्रहरु मार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाइल वालेटमा लोड गर्न सकिने जस्ता सुविधाहरु प्रदान गर्दै आइरहेको पनि सिटी एक्सप्रेसले जानकारी दिएको छ ।
