-
-
-
-
काठमाडौं । भारतमा फेरि कोरोना भाइरसका संक्रमित र मृतक बढेका छन् । गत सोमबार २०९ दिनपछि पहिलो पटक १२ हजार ४८१ जना संक्रमित मात्र फेला परेकामा त्यसपछि फेरि बढेका छन् । बुधबार १७ हजार १५ जना संक्रमित थपिएका छन् । कोरोनामुक्त हुने पनि थोरै मात्रले बढी रहेका छन् । १७ हअजार ७९७ जनामात्र मुक्त भएका छन् ।
त्यस्तै गत आइतबार २३२ दिनपछि पहिलो पटक सबैभन्दा कम १५० जनाको ज्यान गएकामा फेरि मृतक पनि बढेका छन् । बुधबार २०१ जनाको ज्यान गएको छ ।
हालसम्म १ करोड ५ लाख १२ हजार ८३१ जना संक्रमित भएका छन् भने १ करोड १ लाख ४६ हजार २५४ जना कोरोनामुक्त भएका छन् ।
सक्रिय संक्रमितको संख्या २ लाख १० हजार ४५९ मा झरेको छ । मृतकको संख्या १ लाख ५१ हजार ७६५ पुगेको छ ।
पछिल्ला दिनमा केरलमा सबैभन्दा बढी संक्रमित हुँदै गएका छन् । बुधबार केरलमा ६ हजार ४ संक्रमित थपिएका छन् । केरलमा सबैभन्दा बढी ६५ हजार ३७४ जना सक्रिय संक्रमित छन् ।
भारतमा शनिबारदेखि कोरोनाविरुद्धको खोप लगाइँदै छ ।
