डेनिस संसद्ले विश्व स्वास्थ्य संगठनमा ताइवानलाई सहयोग गर्ने

प्रकाशित २०७७ माघ १२ सोमबार

स्टकहोम। डेनमार्कको संसद्ले विश्व स्वास्थ्य संगठन (डब्ल्यूएचओ)मा फर्किन ताइवानलाई सहयोग गर्ने जनाएको छ । चीनले ताइवानलाई आफ्नो क्षेत्र दाबी गर्दै आन्तरिक मामिलामा हस्तक्षेप नगर्न चेतावनी दिइरहेको समयमा डेनमार्कको संसद्ले भने ताइवानलाई सहयोग गर्ने जनाएको हो ।

एउटा फेसबुक पोस्टमा, डेनमार्कस्थित ताइवानको कार्यालयले डेनमार्कको संसदमा प्रतिनिधित्व गर्ने १० वटा राजनीतिक दल मध्ये ६ वटाले डब्ल्यूएचओको निर्णय लिने निकायलाई आमन्त्रित गर्न आग्रह गर्ने प्रस्तावलाई समर्थन गरेका छन्।

'डेनमार्क ब्लू-ब्लाक गठबन्धन र डेनमार्क सोशल लिबरल पार्टीले संयुक्त रुपमा सुरु गरेको उक्त प्रस्ताव पहिलो पटक पारित भएको छ र हाल संसदको विदेश मामिला समितिले समीक्षा गरिरहेको छ,' ताइवानको विदेश मन्त्रालयले भनेको छ ।

डेनमार्कका अखबार जिलल्यान्ड्स-पोस्टेनले जनवरी १३ मा प्रकाशित लेखमा ताइवानले कोभिड १९ महामारीको सफलतापूर्वक नियन्त्रण गरेपछि उक्त प्रस्तावलाई देशका विपक्षी सांसदहरूले बहुमत दिएका छन् ।

डेनमार्क सोशल लिबरल पार्टीका विदेश मामिलाका प्रवक्ता माइकल अस्ट्रप जेनसेनले अखबारलाई भने अनुसार ताइवान महामारीको विरूद्ध लड्न सफल भएको छ र ताइवानलाई डब्ल्यूएचओमा भाग लिन रोक्नुको कुनै कारण देख्दैन ।

'डेनमार्क सरकारले आफ्नो 'एक चीन नीति' को कारणले यो उपायको लागि पूर्ण समर्थनको प्रस्ताव गरेको छैन,' प्रतिवेदनले भनेको छ, 'यस मुद्दामा चीनको इच्छाविरूद्ध जाँदा चिन्तित रहेको छ ।'

डेनमार्कका विदेश मन्त्री जेपे कोफोडलाई उद्धृत गर्दै उनको सरकारले डब्ल्यूएचओमा ताइवानका लागि पर्यवेक्षकको स्थितिलाई समर्थन गर्दछ तर 'एक चीन नीति' कायम राख्‍नेछ, जसमा ताइवानलाई जनगणतन्त्र चीनको भागको रूपमा देखिएको छ ।