-
-
-
-
काठमाडौं । कोरोना भाइरसको महामारी कम हुँदै गर्दा धमाधम विद्यालयहरु खुलेका छन् । तर त्यही विद्यालयमा विद्यार्थीहरुलाई कोरोना भाइरसको संक्रमण लाग्दा भने समस्या भएको छ ।
समाचार हो भारतटको पंजाबस्थित नवांशहरको एक सरकारी विद्यालयको । त्यहाँ १४ विद्यार्थी र ३ शिक्षक गरी १७ जनालाई कोरोना भाइरसको संक्रमण देखिएको छ ।
संक्रमित देखिएपछि विद्यालय बन्द गरिएको छ । संक्रमित विद्यार्थी र शिक्षकलाई स्वास्थ्य विभागको टिमले घरमै आइसोलेटेड गरेर उपचार थालेको जनाइएको छ ।
सोमबार सालोह गाउँको सरकारी विद्यालयका एक शिक्षक पोजेटिभ पाइएका थिए । त्यसपछि शिक्षक र विद्यार्थीहरुको ट्रेसिङ परीक्षण गर्दा मंगलबार १४ विद्यार्थी र दुई शिक्षक पनि पोजेटिभ पाइएका थिए ।
मंगलबार विद्यालय आएका सबै ११० जनाको परीक्षण गरिएको छ ।
