पुलवामा। जम्मा-काश्मीरको पुलवामाको अवन्तीपोरा क्षेत्रका २० वर्षीय युवाले व्यावसायिक पाइलटको इजाजत प्राप्त गरेका छन्। उनी भारतकै कान्छो काश्मीरी पाइलट बनेका छन्।
२० वर्षीय युवा फरहान मजेदले १२ कक्षामा मन्टावाकी उच्च माध्यमिक विद्यालय अवन्तीपोराबाट उत्तीर्ण गरेपछि उडान फ्ल्यान्ड एकेडेमी ग्लोबल कोनेक्ट एविएशन सर्विसेज प्रालि उत्तराखण्डबाट वाणिज्यिक पाइलटको प्रशिक्षण लिएका थिए। "गत वर्ष नोभेम्बरमा मैले वाणिज्यिक पाइलटको रूपमा मेरो इजाजत पत्र प्राप्त गरेँ," फरहानले भने।
एएनआईसँग कुरा गर्ने क्रममा फरहानले भने, “त्यहाँ भारतीय वायुसेनाको एक एयरबसे रहेको छ र हामी दिनभर हेलिकप्टर र अन्य विमानहरूको आवाज सुन्न सक्दछौँ। यसले मलाई पाइलट बन्न उत्प्रेरित गर्यो।” “मलाई कश्मीरमा सबैभन्दा कम उमेरको पाइलट भएकोमा गर्व छ। मैले भारतीय वाणिज्यिक पाइलट इजाजत पत्र प्राप्त गरेको छु। यसको सबै श्रेय मेरो परिवार र भगवानलाई जान्छ,” उनले भने।
"कडा परिश्रमले तपाईँलाई आफूले चाहेको कुरा प्राप्त गर्न सक्नुहुन्छ, "उनले थपे, "सबैसँग केही गर्न सक्ने क्षमता छ। विशेष गरी काश्मीरी युवाहरूमा हामीलाई चाहिएको सबै कुरालाई हामी अनुसरण गर्नसक्छौं," फरहानले भने।
उनका बुबा अब्दुल मजेदले आफ्नो छोराप्रति धेरै गर्व रहेको बताए। "हामी कहिल्यै पछि हटेनौँ र हाम्रो उपत्यकाको कान्छो पाइलट भएर उनले हामी सबैलाई गर्व तुल्याए," अब्दुलले भने।
