-
-
-
-
बेइजिङ । चीन सरकारका स्वास्थ्य अधिकारीहरूले यहाँको राजधानी सहर बेइजिङका कतिपय नगरहरूलाई उच्च तथा मध्यम खालको जोखिमयुक्त
नगरहरूका रूपमा विभाजन गरिएको जनाएका छन् ।
सो कुराको जानकारी बेइजिङका अधिकारीहरूले मङ्गलवार पत्रकार सम्मेलन गरेर दिएका प्राप्त समाचारमा जनाइएको छ ।
मङ्गलवार दिइएको सो जानकारीअनुसार बेइजिङको रोङ्घुई भन्ने नगरलाई यसअघि उच्च जोखिम भएको नगरका रूपमा राखिएकोमा मङ्गलवार त्यसलाई पनि न्यून जोखिमयुक्त नगरका रूपमा राखिएको छ ।
मानिसका ठुलो बस्ती रहेका यहाँका अरू नगरहरू भने यसअघि नै कम जोखिमयुक्त बस्ती तथा नगरका रूपमा लिइएको छ ।
यहाँका अधिकारीहरूले नागरिकको बस्ती तथा नगरको घनत्व पनि हेरेर त्यहाँ महामारीको के कस्तो अवस्था छ भन्ने बारेमा अनुसन्धान गरिरहेका छन् ।
यदि उच्च जोखिमयुक्त अवस्थामा ती बस्ती र नगर रहेको अवस्थामा भने सफा गर्ने, स्यानिटाइजर गर्ने र नागरिकहरूलाई सतर्क रहन आग्रह गर्ने गरिएको छ ।
